बालाजी अमाईन्सच्या वतीने पुण्यश्लोक अहिल्यादेवी होळकर सोलापूर विद्यापीठास ४१ आसनक्षमता असलेली आयशर स्कायलाईन बस देण्यात आली. या बसची चावी बालाजी अमाईन्सच्या प्रतिनिधीकडून कुलगुरु महानवर यांना प्रदान करण्यात आली. विद्यापीठाचे कुलगुरु डॉ. प्रकाश महानवर यांनी बालाजी अमाईन्सचे व्यवस्थापकीय संचालक राम रेड्डी आणि त्यांचे संचालक मंडळाचे विद्यापीठाला बस दिल्याबद्दल आभार मानले.
यावेळी बोलताना कुलगुरु म्हणाले, विद्यापीठाच्या विकासासाठी समाजातील उद्योजक, दानशूर व्यक्तींनी सामाजिक जबाबदारीतून मदत करावी. यावेळी मल्लिनाथ बिराजदार यांनी सीएसआर अंतर्गत सोलापूर आणि धाराशिव जिल्ह्यात झालेल्या विविध उपक्रमांची माहिती दिली.
कार्यक्रमाचे प्रस्ताविक प्र. कुलगुरु प्रा. लक्ष्मीकांत दामा यांनी केले. सूत्रसंचालन डॉ. तेजस्वीनी कांबळे यांनी केले, तर आभार कुलसचिव योगीनी घारे यांनी मानले. यावेळी कार्यक्रमाला व्यवस्थापन परिषद सदस्य प्रा. देवानंद चिलवंत, प्रा. सचिन गायकवाड, क्रिडा संचालक अतुल लकडे, वित्त अधिकारी सीए महादेव खराडे, सिनेट सदस्य डॉ. विरभद्र दंडे, परिक्षा नियंत्रक डॉ. श्रीकांत अंधारे विद्यापीठातील विविध संकुलाचे प्रमुख, प्राध्यापक, कर्मचारी आणि विद्यार्थी मोठ्या संख्येने उपस्थित होते.
