.jpeg)
सोलापूर : सामाजिक न्याय व विशेष सहाय्य विभागाच्या वतीने ज्येष्ठ नागरिकांचा जिल्हास्तरीय मेळावा द्वारकाधीश मंदिर, जुळे सोलापूर येथे पार पडला.
जागतिक ज्येष्ठ नागरिक दिनाचे औचित्य साधून 01 ऑक्टोबर 2024 रोजी सहाय्यक आयुक्त समाज कल्याण कार्यालय, सोलापूर व चौधरी फौडेशन सोलापूर यांच्या संयुक्त विद्यमानाने ज्येष्ठ नागरिक सन्मान सोहळा व विविध शासकीय योजनांचे शिबिराचे आयोजन करण्यात आले होते.
याप्रसंगी न्यायाधिश तथा सचिव, जिल्हा विधी प्राधिकरण, उत्कर्ष देवर्षी, समाज कल्याणचे सहाय्यक आयुक्त श्रीमती सुलोचना सोनवणे, वरिष्ठ पोलीस निरीक्षक दादा गायकवाड, प्रा. गोरख देशमुख, दिलीप कोल्हे, हेमंत चौधरी, प्रादेशिेक परिवहन अधिकारी श्रीकृष्ण नकाते, विश्वनाथ गायकवाड प्रमुख पाहुणे म्हणून उपस्थित होते.
या मेळाव्यात विविध क्षेत्रातील मान्यवारांना पुरस्कार देऊन गौरविण्यात आले. न्यायाधीश उत्कर्ष देवर्षी यांनी जेष्ठ नागरिक व त्यांचे कायदेशीर अधिकार यावर मार्गदर्शन केले तर समाज कल्याणच्या सहाय्यक आयुक्त श्रीमती सुलोचना सोनवणे यांनी सामाजिक न्याय विभागा मार्फत ज्येष्ठ नागरिकांसाठी राबविण्यात येणाऱ्या शासकीय योजनांची माहिती दिली.
यावेळी उपस्थितांची सामुहिक शपथ/प्रतिज्ञा घेण्यात आली. तसेच अश्विनी सहकारी रूग्णालयाचे प्रमुख विश्वस्त बिपीनभाई पटेल यांनी चौधरी फौंडेशनला जेष्ठाना लागणारी व्हील चेअर भेट दिली.
या कार्यक्रमास जिल्ह्यातील सर्व ज्येष्ठ नागरिक संघांचे सहकार्य लाभले. कार्यक्रमाचे आभार प्रदर्शन चौधरी फौंडेशनचे अध्यक्ष चेतन चौधरी यांनी केले.
