सोलापूर : आगामी काळात असंघटित कामगारांना विविध योजनांच्या माध्यमातून लाभ मिळवून देण्याकरीता राष्ट्रवादी काँग्रेस पार्टी शासन प्रशासन दरबारी प्रयत्न करेल, अशी ग्वाही जिल्हाध्यक्ष संतोष पवार यांनी दिली.
उपमुख्यमंत्री तथा राष्ट्रीय अध्यक्ष अजित पवार व प्रदेशाध्यक्ष तथा खासदार सुनील तटकरे यांच्या वाढदिवसानिमित्त व जनविश्वास सप्ताहनिमित्त असंघटित कामगार विभागाचे प्रदेशाध्यक्ष मनोज व्यवहारे यांच्या मार्गदर्शनाखाली राष्ट्रवादी काँग्रेस पार्टी बांधकाम विभागाच्या वतीने जय शंकर तालीम सात रस्ता अब्दुलपुरकर मंगल कार्यालय परिसर येथे असंघटित कामगारांसाठी मोफत बांधकाम कामगार कार्ड योजना भव्य शिबिराचे आयोजन करण्यात आले होते.
या कार्यक्रमाचे उद्घाटन जिल्हाध्यक्ष संतोष पवार यांच्या प्रमुख उपस्थितीत जनरल सेक्रेटरी प्रमोद भोसले यांच्या शुभहस्ते करण्यात आले. जिल्हाध्यक्ष संतोष पवार यांच्या हस्ते उपस्थित मान्यवरांचा सत्कार करून बांधकाम कामगारांना महायुती सरकारकडून मंजूर केलेल्या विविध योजनांची माहिती पुस्तिका देण्यात आली. असंघटित कामगारांसाठी घेण्यात आलेल्या बांधकाम कामगार कार्ड योजना शिबिराचे प्रातिनिधिक स्वरूपात पाच फॉर्म स्वीकारून शुभारंभ करण्यात आला. यावेळी संतोष पवार बोलत होते.
उपमुख्यमंत्री अजित पवार हे राज्यातील जनसामान्यांसाठी महिलांसाठी, कष्टकरी वर्गासाठी सातत्याने वेगवेगळ्या योजनाची तरतूद करून त्या प्रत्यक्ष अंमलात आणतात, याचा लाभ असंख्य नागरिकांना झाला आहे. या शिबिराचा कामगारांनी मोठ्या प्रमाणात घ्यावा, असं आवाहन संतोष पवार यांनी यावेळी केले.
त्यांनी बांधकाम सेल विभाग अध्यक्ष संजय सांगळे व कार्याध्यक्ष बालराज कमलापूरे यांनी आयोजित केलेल्या केलेल्या उपक्रमाचे विशेष कौतुक केले.
याप्रसंगी अल्पसंख्यांक कार्याध्यक्ष संजीव मोरे, कुमार जंगडेकर, मध्य विधानसभा अध्यक्ष अलमेहराज आबादीराजे, वैद्यकीय मदत कक्ष प्रमुख बसवराज कोळी, राष्ट्रवादी काँग्रेस पार्टी सरचिटणीस प्रज्ञासागर गायकवाड, सोशल मीडिया शहर-जिल्हाध्यक्ष वैभव गंगणे, कार्याध्यक्ष सोमनाथ शिंदे, श्यामराव गांगर्डे, मार्तंड शिंगारे, श्रीनिवास पोतराज, यलप्पा वर्जन, कृष्णा चन्नेपाग, विठ्ठल ढाले, योगेश चलवादे, उमेश संगेपाग, शांतराज म्हैत्रे, लखन कांबळे आदी उपस्थित होते.
