जिल्हा उपनिबंधक किरण गायकवाड असतील प्रमुख पाहुणे; लाभार्थ्यांना रोटरीचे सदस्य स्वतःच्या गाडीतून आणणार
सोलापूर : रोटरी अन्नपूर्णा योजनेस यंदा ४ ऑगस्ट रोजी १७ वर्षे पूर्ण होत आहेत. त्यानिमित्त शुक्रवारी, २ ऑगस्ट रोजी सर्व लाभार्थी व देणगीदार यांच्यासाठी ड्रीम पॅलेस, मुरारजी पेठ येथे विशेष भोजनाचा कार्यक्रम आयोजित करण्यात आलाय. जिल्हा उपनिबंधक किरण गायकवाड या कार्यक्रमास प्रमुख पाहुणे म्हणून उपस्थित राहणार असल्याची माहिती सचिव ब्रिजकुमार गोयदानी यांनी दिली.
गतकाळात आर्थिक सुबत्ता व संपन्नता असलेल्या आणि नंतर विपन्नावस्थेत गेलेल्या तसेच नातीगाेतीही केवळ नावापुरतीच ठरलेल्या उपेक्षित, निराधार अशा शंभर वृध्द माता-पित्यांसाठी राेटरी क्लब ऑफ साेलापूर ही संस्था ‘काठीचा आधार’ बनली आहे. या वृध्दांसाठी गेल्या १७ वर्षांपासून राेटरी अन्नपूर्णा याेजना कसलाही खंड न पडता अव्याहतपणे सुरु आहे, असं सचिव ब्रिजकुमार गोयदानी यांनी प्रारंभी म्हटले.
राेटरी क्लब ऑफ साेलापूरने २००७ साली तत्कालीन अध्यक्ष राज मिणियार यांच्या पुढाकारातून व आचार्य किशाेरजी व्यास यांच्या प्रेरणेने अन्नपूर्णा याेजनेची सुरुवात केली हाेती. प्रथम वर्षी ‘सुगरण’च्या मीनाबेन शहा यांनी ‘ना नफा, ना ताेटा’ तत्वावर या अन्नपूर्णा याेजनेसाठी स्वयंपाक करुन दिला.
त्यानंतर मागील १६ वर्षे चंद्रिका चाैहान यांच्या उद्याेगवर्धिनी महिला बचत गटाच्या सहाय्याने दरराेज शंभर वृध्दांसाठी स्वंयपाक करुन दिला जाताे. मागील १७ वर्षात वर्षात या याेजनेत एका दिवसाचाही खंड पडला नाही. प्रत्येक वृध्दाकडे घरपाेच ताज्या व गरम जेवणाचा डबा अगदीवर वेळेवर पाेहाेचविला जाताे. त्याचं श्रेय सेवाव्रती रिक्षाचालक शरणय्या हिरेमठ यांना दिले जाते.
दरराेजचे रुपये १३ द्या व वर्षाचे एकूण ४७६५ दिल्याने आपण एका वृध्दास दरराजचे अन्नदानाचे पुण्य मिळवा, या युक्तिने सुरु केलेली या सेवाभावी याेजनेसाठी सध्या प्रतिवर्षी सुमारे १२ लाखांचा खर्च हाेताे. हा खर्च भागविण्यासाठी एका वृध्द व्यक्तीकरिता एका वर्षाच्या अन्नदानासाठी ८१०० रुपये इतक्या देणगीची याेजना आखण्यात आली आहे.
ही देणगी आयकर कलम ८० जी अन्वये वजावटीस पात्र आहे. याद्वारे उभारण्यात आलेल्या निधी ‘राेटरी कम्युनिटी वेलफेर ट्रस्ट’ च्या माध्यामातून याच याेजनेसाठी वापरला जाताे. समाजातील दानशूर व्यक्ती व संस्थानी ही याेजना पुढे नेण्याठी व तिचा विस्तार करण्यासाठी आार्थिक सहयाेग द्यावा, असं आवाहन गोयदानी यांनी केलंय.
दरराेज सुग्रास भाेजन घरपाेच देण्यासह लाभार्थी वृध्दांची आराेग्य तपासणी करुन गरजेप्रमाणे औषधे दिली जातात. त्यांना जेवणासाठी भांडे, कपडे तसेच चादरीही उपलब्ध करुन दिल्या आहेत, इतकंच नव्हे तर मानसिक शांती व विरंगुळा मिळवा म्हणून लाभार्थी वृध्दांना पंढरपूर,अक्कलकाेट, तुळजापूर या धार्मिक ठिकाणी सहलीवर नेले जाते.
एकादशीनिमित्त लाभार्थ्यांना उपवासावाचा मेनू देण्यात आला. यामध्ये भगर, साबुदाणा खिचडी, शेंगा चटणी असे पदार्थ देण्यात आले. या वर्षपूर्ती कार्यक्रमासाठी सर्व लाभार्थ्यांना त्यांच्या घरापासून ने-आण करण्याची सोय रोटरी क्लब चे सदस्य त्यांच्या गाडीतून करणार आहेत, तसेच सर्वांना ह्यानिमित्त भेटही देण्यात येणार आहेत, असंही सचिव ब्रिजकुमार गोयदानी यांनी प्रारंभी म्हटले.
या सेवाभावी रोटरी अन्नपूर्णा याेजनेची दखल देशासह आंतरराष्ट्रीय स्तरावरही घेण्यात आली असून राेटरी इंटरनॅशनलने या प्रकल्पाला सर्वाेत्कृष्ट प्रकल्पाचा पुरस्कार दिला आहे. राेटरी अन्नपूर्णा याेजनेच्या धर्तीवर इतरही अनेक सामाजिक संस्थांनी साेलापूर जिल्ह्यासह कराड, लातूर आदी ठिकाणी अशा प्रकारची याेजना सुरु क़ेली आहे.
... चौकट ...
... या योजनेवर आजपर्यंत सुमारे १ कोटी ८० लाख खर्च
आजपर्यंत सुमारे ६२०५०० डबे, सुमारे १ काेटी ८० लाख पेक्षा अधिक या याेजनेंतर्गत खर्च केलेे गेले आहे. या याेजनेसाठी राेटरी क्लबद्वारा एक विशेष समिती कार्यरत आहे, ती दैनंदिन व्यवहारकडे अत्यंत काटेकाेरपणे लक्ष ठेवत असते. डाक विभागातर्फे राेटरी क्लब साेलापूरच्या ७५ वर्षानिमित्ताने प्रसिध्द करण्यात आलेल्या विशेष टपाल पाकिटावर राेटरी अन्नपूर्णा याेजनेस विशेष प्राधान्य देण्यात आले हाेते. या संदर्भात राेटरी क्लब ऑफ साेलापूरचे अध्यक्ष सी.ए. सुनिल माहेश्वरी व या प्रकल्पाचे चेअरमन सुहास लाहाेटी यांनी माहिती दिली.
