फोटो/ रील्स स्पर्धेतील विजेत्यांचा होणार बक्षीस वितरण समारंभ...!
सोलापूर : श्री सिद्धेश्वर सोशल फाउंडेशन च्या वतीने घेण्यात आलेल्या फोटो /रील्स स्पर्धेचे बक्षीस वितरण समारंभ आणि जागतिक महिला दिनाचे औचित्य साधून स्त्री सिद्धेश्वर नारीशक्ती सन्मान सोहळा फाउंडेशनच्या वतीने, ०७ मार्च रोजी सकाळी ११ वा. हॉटेल सूर्या इंटरनॅशनल (भागवत चित्रनगरी च्या पाठीमागे) या ठिकाणी आयोजित करण्यात आला असल्याची माहिती श्री सिद्धेश्वर सोशल फाउंडेशनचे अध्यक्ष आनंद मुस्तारे आणि कार्याध्यक्ष विजयकुमार हस्तुरे यांनी श्रमिक पत्रकार संघात झालेल्या पत्रकार परिषदेत दिली.
श्री सिद्धेश्वर सोशल फाउंडेशन च्या वतीने सालाबाद प्रमाणे श्री सिद्धेश्वर महायात्रा काळातील धार्मिक विधी लहान मुलांचे बाराबंदी पोशाख स्पर्धा आणि महिलांचे पारंपारिक वेशभूषा आयोजन करण्यात येते. सालाबाद प्रमाणे यंदाच्या वर्षी विविध स्पर्धेचे आयोजन करण्यात आले होते. या स्पर्धेत तील सोलापूर शहरातील २५० स्पर्धकांनी सहभाग घेतला होता.
या स्पर्धेचा निकाल आणि विजेत्या स्पर्धकांची नावे अशी आहे.
दर्श धनंजय बंडे, सौरभ मल्लिनाथ सोलापुरे, वीर अमोल तांडुरे, विश्वराज विनायक गुडमणी, शिवशंकर विनायक मोकाशी या मुलांनी आणि प्रीती विजय नवले, रेश्मा संजय दुधनी, सोनाली सागर हिरेहब्बु, सुजाता रघोजी, तेजश्री आशिष शेंडगे या महिलांनी फोटो स्पर्धेत उत्तुंग भरारी घेतली.
तर रिल्स् स्पर्धेमध्ये अपेक्षा अमर पाटील, देवेश सचिन जमादार आणि जय माने यांनी उत्कृष्ट यश मिळवले. तर महिलांमध्ये सृष्टी बसवराज आहेरवाडी, दिपाली अभिजीत कोष्टी आणि कांचन बेडगे यांनी यशाला गवसणी घातली.
०८ मार्च जागतिक महिला दिनानिमित्त श्री सिद्धेश्वर नारीशक्ती सन्मान सोहळा आयोजित केला आहे. विविध क्षेत्रांमध्ये आपल्या कामातून ओळख निर्माण केलेल्या महिलांचा सन्मान यावेळी करण्यात येणार आहे.
या कार्यक्रमासाठी श्री सिद्धेश्वर देवस्थान पंचकमिटीचे अध्यक्ष धर्मराज काडादी हे अध्यक्ष म्हणून उपस्थित राहणार असून प्रमुख अतिथी म्हणून सोलापूर महापालिका चे अतिरिक्त आयुक्त संदीप कारंजे, परिवहन आयुक्त अर्चना गायकवाड, उद्योगपती दत्ता अण्णा सुरवसे, हृदयरोग तज्ञ डॉ. शैलेश पाटील, उद्योगपती राजेश मुगळे, जिल्हा नियोजन मंडळ सदस्य किसन जाधव आणि सामाजिक कार्यकर्त्या स्मिता नाईक आदी उपस्थित राहणार आहेत.
गुरुवारी, ०७ मार्च रोजी सकाळी ११ वाजता हॉटेल सूर्या येथे सर्व मान्यवरांच्या उपस्थितीमध्ये आणि शुभहस्ते बक्षीस वितरण समारंभ आणि नारीशक्ती सन्मान सोहळा ठिकाणी संपन्न होणार आहे. या कार्यक्रमास स्पर्धेचे विजेते आणि नारीशक्ती सन्मान पुरस्कार सोहळ्याच्या पुरस्कृत महिला आदीसह सोलापूरकरांनी उपस्थित राहावे, असे आवाहन श्री सिद्धेश्वर सोशल फाउंडेशनचे संस्थापक अध्यक्ष आनंद मुस्तारे यांनी केलं आहे.
या पत्रकार परिषदेला उपाध्यक्ष रेवनसिद्ध बिज्जगी, सचिव विकास कस्तुरे ,खजिनदार रवी बिद्री, सचिन शिवशक्ती, प्रिया बसवंती विजय नवले, विशाल कल्याणी, गुरुशांत मोकाशी आदी पदाधिकारी कार्यकर्ते उपस्थित होते.
...... चौकट ......
... या आहेत नारी सन्मान पुरस्काराच्या मानकरी !
नगर अभियंता सारिका अकुलवार, वैद्यकीय क्षेत्रातील डॉ. संतोषी मुदकण्णा, डॉ. नेहा रोडा, प्रशासकीय क्षेत्रातील प्राचार्य डॉ. मनीषा शिंदे, सामाजिक क्षेत्रातील अक्कनबळग महिला मंडळाच्या अध्यक्षा रंजीता चाकोते, शैक्षणिक क्षेत्रात उत्कृष्ट काम करणाऱ्या मुख्याध्यापिका पंचशील विद्यालय महामाया रणधीरे, सिद्धेश्वर वुमन्स पॉलिटिक्सच्या उपप्राचार्य नीता आळंगी, पत्रकारिता क्षेत्रातील प्रमिला चोरगी, फॅशन डिझाइनिंग क्षेत्रातील धनश्री मणुरे, सामाजिक क्षेत्रातील वीरशैव कक्कया महिला मंडळ अध्यक्ष संगीता जोगधनकर, आणि सामाजिक कार्यकर्त्या स्मिता चंदनशिवे यांचा सन्मान होणार असून विशेष उल्लेखनीय पुरस्कार पुष्पा मल्लिनाथ खुणे यांना देण्यात येणार आहे.
.............
