सोलापूर : छत्रपती शिवाजी महाराज जन्मोत्सव निमित्ताने मराठा सेवा संघ संचलित छत्रपती शिवाजी मुस्लिम ब्रिगेड सोलापूरच्या वतीने यंदा ही शिव एकता रॅली काढण्यात आली. प्रारंभी रंगभवननजिकच्या शिवछत्रपती उद्यानातील छत्रपती शिवाजी महाराजांच्या पुतळ्यास माजी महापौर आरिफ शेख, माजी उपमहापौर नाना काळे, राजन जाधव, माजी नगरसेवक बाबा मिस्त्री, शहराध्यक्ष हाजी मतीन बागवान, जिल्हाध्यक्ष शफीक रचभरे, मराठा सेवा संघाचे राम गायकवाड, मातंग समाज शहराध्यक्ष युवराज पवार, भटक्या विमुक्त जमाती अध्यक्ष प्रा. विष्णू गायकवाड यांच्या हस्ते पुष्पहार अर्पण करून रॅलीस सुरुवात करण्यात आली.
या प्रसंगी मराठा सेवा संघाचे पोपट भोसले, प्रा. संजय जाधव, प्रा. जीवन यादव, अल्ताफ लिंबूवाले, इम्तियाज कमिशनर, जुबेर कुरेशी, युन्नुस डोणगांवकर, तन्वीर शेख, रियाज पैलवान, नईम कर्नूल, तन्वीर गुलजार, बशीर सय्यद, मुबिन सय्यद, राजू हुंडेकरी, जावेद बद्दी, रिजवान शेख, अमजद पठाण, रिजवान दंडोती, अ .गनी कर्नूल, कय्युम मोहोळकर, रुस्तुम तांबोळी, गफ्फार पठाण, उजेर बागवान, वाहिद तांबोळी, अफरोज तांबोळी, जैद बागवान, माजीद बागवान, रूसूम शेख, वाहिद शेख, खाशीब बेलीफ, उमर शेख, अज्जो काझी, सद्दाम शेख आदी मुस्लिम ब्रिगेडचे सदस्य उपस्थित होते.
ही रॅली विजापूर वेसमार्गे नवी पेठेतून छत्रपती शिवाजी महाराज चौकात आल्यावर छत्रपती शिवाजी महाराजांना अभिवादन करून विसर्जन करण्यात आली. या वेळी बेगम पेठ येथे अल्ताफ लिंबूवाले, इम्तियाज कमिशनर यांनी पुष्पहार अर्पण करून स्वागत केले, विजापूर वेस येथे बागवान जमातीच्या वतीने पुष्पवृष्टी करण्यात आली. नवी पेठेत व्यापारी विजय भोईटे, सिताराम लांडे यांनी स्वागत केलं.
चौकट :
रॅलीच्या अग्रभागी तिरंगा !
अग्रभागी
रॅलीच्या अग्रभागी तिरंगा हाती घेऊन घोडेस्वार होता. त्यामागे छत्रपती शिवाजी महाराजांच्या काळातील मुस्लिम सरदार मावळ्यांचे नांव आणि पद उल्लेख केलेले फलक हाती घेतलेले युवक आणि मागे मुस्लिम समाज बांधव मोठ्या संख्येनंउपस्थित होते.
