१७ डिसेंबर रोजी विज्ञान प्राविण्य परीक्षेचे आयोजन
कासेगांव/संजय पवार : सोलापूर जिल्हा विज्ञान अध्यापक मंडळाच्या वतीने रविवारी, १७ डिसेंबर रोजी सकाळी ११ ते १२ वा. दरम्यान विज्ञान प्राविण्य परीक्षेचे आयोजन करण्यात आले आहे. सदरहू विज्ञान प्राविण्य परीक्षा ही इयत्ता सहावी व इयत्ता नववी वर्गासाठी आहे.
विविध स्पर्धात्मक परीक्षेचा पाया म्हणून या परीक्षेकडे पाहिले जाते. परीक्षा केंद्र हे सहभागी संबंधित शाळा असतील. संपूर्ण सोलापूर शहर व जिल्ह्यातून ११ हजार विद्यार्थ्यांची विक्रमी नोंद झाली असल्याची माहिती जिल्हा विज्ञान मंडळाचे अध्यक्ष संजय जवंजाळ यांनी दिली.
ही परीक्षा घेण्यासाठी मार्गदर्शन राज्य विज्ञान मंडळाचे मार्गदर्शक व मंडळाचे आधारस्तंभ राज्य संचालक लक्ष्मीप्रसाद मोहिते, उपाध्यक्ष शिवाजी चापले, नीलकंठ लिंगे, श्रीमती प्रियंका आराध्ये, सुभाष नागरसे व इतर सर्व पदाधिकारी घेत आहेत.
