सोलापूर : रोटरी क्लब ऑफ सोलापूर, इक्विटास डेव्हलपमेंट इनिशिएटिव्ह्ज ट्रस्ट आणि जिल्हा उद्योजकता विकास व रोजगार उद्योजकता मार्गदर्शन केंद्र, सोलापूर यांच्या संयुक्त विद्यमाने आयोजित महारोजगार मेळाव्याला सोलापूरकरांकडून उत्स्फूर्त प्रतिसाद मिळाला. या महारोजगार मेळाव्यात, १०२ उमेदवारांना ऑन-द-स्पॉट जॉब ऑफर लेटर देण्यात आले.
येथील ड्रीम पॅलेसमध्ये आयोजित या मेळाव्याचे उद्घाटन सोलापूर मध्यचे आमदार देवेंद्र कोठे यांच्या हस्ते झाले. या वेळी रोटरीचे वरिष्ठ पदाधिकारी, उद्योग जगतातील मान्यवर, आणि शेकडो उत्साही युवक-युवती उपस्थित होते.
•क्लबचे अध्यक्ष रो. सीए सुनील माहेश्वरी यांनी प्रारंभी उपस्थित मान्यवरांचे स्वागत व त्यानंतर प्रास्ताविक केले. PDG डॉ. राजीव प्रधान यांनी आमदार देवेंद्र कोठे यांचा पुष्पगुच्छ देऊन सन्मान केला. DGN रो. जयेश पटेल यांनी इक्विटास ट्रस्टचे संग्राम पाटील, सौ. माधुरी मुसळे यांचे स्वागत केले. जिल्हा रोजगार मार्गदर्शन केंद्र, सोलापूर येथील सहायक आयुक्त सौ. संगीता खंदारे यांचाही पुष्पगुच्छ देऊन सन्मान करण्यात आला.
रोटरी ही एक १०० टक्के पारदर्शक, विश्वासार्ह आणि समाजाभिमुख संस्था आहे. “सेवा स्वतःपलीकडे” या तत्त्वज्ञानावर कार्य करणारी रोटरी, ज्या कोणत्याही उपक्रमास हात घालते, त्यामध्ये पूर्ण गांभीर्य, दर्जा आणि परिणामकारकता यांना प्राधान्य देते.
या रोजगार मेळाव्याच्या माध्यमातून तरुणाईला स्वाभिमानी बनवणे, त्यांना करिअरच्या योग्य संधी देणे आणि त्यांच्या आयुष्याला नवी दिशा देणे हेच रोटरीचे मुख्य उद्दिष्ट आहे. रोटरी ही आपली जबाबदारी मानते.
हा मेळावा केवळ रोजगार देणारा नाही, तर आत्मविश्वास निर्माण करणारा आणि सोलापूरच्या सामाजिक व आर्थिक विकासास चालना देणारा ठरला आहे. या भव्य मेळाव्याच्या यशस्वी आयोजनासाठी रोटरी क्लब ऑफ सोलापूरचे सचिव ब्रिजकुमार गोयदानी, प्रकल्पप्रमुख आकाश बाहेती, संदीप झवेरी, अक्षय झवेरी, धनश्री केळकर, सलाम शेख, संतोष कणेकर, अॅन. अश्विनी माहेश्वरी यांनी मोलाचे योगदान दिले.
इक्विटास डेव्हलपमेंट इनिशिएटिव्ह्ज ट्रस्ट कडून संग्राम पाटील, माधुरी मुसळे, वैभव उकर्डे, सचिन राठोड यांनी ३२ नामांकित कंपन्यांचा सहभाग सुनिश्चित करून महत्त्वाची भूमिका बजावली. रोजगार मार्गदर्शन केंद्र, सोलापूर येथील प्रशांत नलवडे, रोहिदास डोईफोडे आणि तृष्णा गायकवाड यांनी देखील विशेष परिश्रम घेतले.
रोटरी क्लब ऑफ सोलापूर व इक्विटास ट्रस्ट यांच्या सामाजिक बांधिलकीचा हा प्रेरणादायी उपक्रम भविष्यात आणखी व्यापक स्वरूपात राबवण्याचा संकल्प या वेळी घेण्यात आला. हे रोटरीचं पुढील दिशेने पाऊल असणार आहे.
... चौकट
महामेळाव्याची ठळक वैशिष्ट्ये
•एकूण सहभागी कंपन्या: ३२
•नोंदणीकृत उमेदवार: १०४०
•झालेले मुलाखती: १५७४
•शॉर्टलिस्ट होऊन पुढील टप्प्यातील मुलाखतीसाठी बोलावण्यात आलेले उमेदवार: ४२१
