सोलापूर : केंद्र शासनाच्या मृहमंत्रालयाने दिलेल्या निर्देशानुसार राष्ट्रध्वजाकरीता प्लॉस्टीकच्या वापरास, प्लॉस्टीकचा राष्ट्र ध्वज निर्मितीस व वापरास मान्यता नाही. राष्ट्रध्वज रस्त्यावर वा अन्य ठिकाणी फेकून देऊ नयेत. राष्ट्रध्वज खराब झाल्याचे आढळल्यास ते ध्वजसंहितेतील तरतुदीनुसार नष्ट करणे आवश्यक आहे. राष्ट्रध्वजाचा अवमान करणे त्याची विटंबना होणे ते बोधचिन्ह व नावे (अनुचित वापरास प्रतिबंध) अधिनियम 1950 व राष्ट्रीय प्रतिष्ठा अवमान प्रतिबंध अधिनियम 1971 तसेच ध्वजसंहितेच्या तरतुदीनुसार दंडनीय आहे. 
यास्तव कोणतेही खराब ध्वज आढळुन आल्यास ते सन्मानपुर्वक गोळा करून नजीकच्या स्थानिक स्वराज्य संस्थेच्या कार्यालयामध्ये जमा करावेत. महाराष्ट्र राज्य स्थापनेचा 66 वा वर्धापन दिनाच्या हार्दिक शुभेच्छा देऊन ध्वजसंहितेचे काटेकोरपणे पालन करण्याचे आवाहन जिल्हाधिकारी तथा जिल्हा दंडाधिकारी कुमार आशीर्वाद यांनी केले आहे.
