सोलापूर/प्रतिनिधी : सैफुल ते सोरेगाव सर्व्हिस रोडवर अवैध दारू धंद्यांचा ऊत आला आहे. या व्यवसायांना राज्य उत्पादन शुल्क विभागाच्या अधिकाऱ्यांचा वरदहस्त आहे. हप्ते घेऊन हे अवैध धंदे चालवले जात असल्याने उद्धव बाळासाहेब ठाकरे सेनेचे जिल्हाप्रमुख संतोष पाटील यांच्या नेतृत्वाखाली मंगळवारी, 1 एप्रिल रोजी उत्पादन शुल्क कार्यालय प्रवेशद्वारावर धडक देत ते अवैध धंदे कायमस्वरूपी बंद करण्याच्या मागणीसाठी निदर्शने करण्यात आली.
आयटीआय पोलीस चौकीजवळ असलेल्या चहा कॅन्टीन, चायनीज गाड्या, अंडा आम्लेट गाड्या व पान टपरींवर बिनधास्त दारूची विक्री चालू आहे. रोज दुपारी, सायंकाळी अन् रात्री उशिरापर्यंत या भागात तळीरामांचा बाजार भरतो. या भागातील नागरिकांना चालणे चालत जाणे मुश्किल झाले आहे. या भागात शिक्षण देणारी आयटीआयसारखी शिक्षण संकुल आहे. इथे येणाऱ्या विद्यार्थ्यांना या अवैध धंद्यांचा मोठ्या प्रमाणात त्रास होत आहे. 
राज्य उत्पादन शुल्क विभागाचा अधिकार असो. हप्ते घ्या, अवैद्य धंदे चालू ठेवा, पाच हजार रुपये द्या, ओपन परमिट रूम चालवा, सात हजार रुपये द्या ओपन दारू धंदा चालवा, शिवसेना बाळासाहेब ठाकरे गटाचा विजय असो असा घोषणा देत परिसर दणाणून सोडला होता.
या आंदोलनात शिवसेना जिल्हाप्रमुख संतोष पाटील, उपजिल्हाप्रमुख खंडू सलगरकर, उपशहर प्रमुख शिवा माळी, परमेश्वर देवकते, प्रशांत बिराजदार, रवी घंटे, सखाराम वाघ, संगप्पा कोरे, परमेश्वर देवकते, विनोद जाधव, कुमार शिंदे, राकेश मालकोटे, विकास डोलारे आदी शिवसैनिक सहभागी झाले होते.
