सोलापूर : प्रवेश परीक्षा तयारीसाठी मार्गदर्शन करण्यात देशात आघाडीवर असलेल्या आकाश एज्युकेशनल सव्हिसेस लिमिटेड (AESL) चा विद्यार्थी पार्थ राठी ने JEE Advanced 2024 मध्ये ५८६ वा क्रमांक मिळवला, असून तो सोलापूर मध्ये अव्वल स्थानावर आला आहे. पार्थ राठी चे हे यश म्हणजे त्याचे कष्ट, निष्ठा आणि AESL मध्ये मिळणाऱ्या उच्च दर्जाच्या मार्गदर्शनाला मिळालेली पावतीच असल्याचे डायरेक्टर पीसीके रेड्डी यांनी पत्रकार परिषदेत सांगितले.
इंडियन इन्स्टिट्यूट ऑफ टेक्नॉलॉजी मद्रास ने आज या परीक्षेचा निकाल प्रसिद्ध केला. सोलापुरातील पार्थ राठी या विद्यार्थ्यानं AESLच्या क्लास रूम तुकडीत मार्गदर्शन घेत जगातील अत्यंत अवघड प्रवेश परीक्षा मानली जाणाऱ्या JEE Advanced 2024 परीक्षेची तयारी केली. त्यानं आपल्या या यशाचे श्रेय अभ्यासातील विविध संकल्पना समजावून देण्यासाठी घेतलेले खडतर परिश्रम आणि अभ्यासाचे अत्यंत शिस्तबद्ध वेळापत्रक कौतुकास्पद होतं असं प्रारंभी मॅनेजर रेड्डी यांनी पत्रकारांशी बोलताना म्हटले.
पार्थ च्या या घवघवीत यशाबद्दल त्यांचे अभिनंदन करताना AESL चे अध्यापन प्रमुख आणि व्यवसाय प्रमुख अमित सिंग राठोड म्हणाले, "आमच्या या विद्यार्थ्यांनी मिळविलेल्या या मोठ्या यशाबद्दल आम्ही त्यांचे अभिनंदन करतो. त्यांच्या अथक प्रयत्नांचे आणि निष्ठेचे तसेच त्यांना त्यांच्या पालकांनी तिला दिलेल्या भक्कम पाठबळाचे प्रतिबिंब त्यांच्या यशात दिसते. NEET च्या आमच्या सर्वच विद्यार्थ्यांना आम्ही भविष्यातील उत्तम यशासाठी शुभेछा देतो." अमित सिंग राठोड यांनी पार्थच्या उज्वल यशाचं कौतुक करताना अभिष्टचिंतन केले.
JEE Advanced ही प्रवेश परीक्षा दरवर्षी JEE Mains परीक्षेत यशस्वी झालेल्या विद्यार्थ्यांसाठी इंडियन इन्स्टिट्यूट ऑफ टेक्नॉलॉजी तर्फे आयोजित केली जाते. JEE Main ही परीक्षा देशातील विविध राष्ट्रीय तंत्रज्ञान संस्थांमधील तसेच केंद्राचे अनुदान मिळणाऱ्या अभियांत्रिकी महाविद्यालयांमधील प्रवेशासाठी असते, तर JEE Advanced ही परीक्षा इंडियन इन्स्टिट्यूट ऑफ टेक्नॉलॉजी च्या प्रवेशासाठी एकमेव पात्रता परीक्षा आहे. मात्र JEE Advanced देण्यासाठी विद्यार्थ्यांना JEE Main मध्ये उत्तीर्ण व्हावे लागते. या वर्षी 180,200 विद्यार्थ्यानी JEE (Advanced) 2024 च्या प्रश्नपत्रिका 1 and 2 सोडविल्या. एकंदर 48,248 विद्यार्थी JEE (Advanced) 2024 मध्ये पात्र ठरले आहेत. त्यात सोलापूर शाखेच्या पार्थ राठी ने JEE Advanced 2024 परीक्षेत ५८६ वा क्रमांक मिळविला, सोलापूर शहर आणि जिल्ह्यासाठी गौरवाची बाब असल्याचे रेड्डी यांनी पत्रकारांशी बोलताना सांगितले.
आकाश तर्फे दहावी आणि बारावी पातळीवरच्या विद्यार्थ्यांची इंडियन इन्स्टिट्यूट ऑफ टेक्नॉलॉजी प्रवेश परीक्षेची सर्वांगीण तयारी करून घेतली जाते. अलीकडे आकाश ने संगणकाधारित शिक्षणावर भर दिला आहे. संस्थेच्या iTutor या प्रणालीद्वारे व्हिडिओ व्याख्याने सादर होतात ज्यामुळे विद्यार्थ्यांना त्यांच्या गतीने शिकता येते, तसेच अभ्यासक्रमातील चुकलेला भाग मिळविता येतो. या खेरीज, प्रत्यक्ष परीक्षेच्याच धर्तीवर होणाऱ्या सराव परीक्षा विद्यार्थ्यांचा आत्मविश्वास वाढवितात, हे प्रत्येक पायरीवर दिसून येते, असेही शेवटी रेड्डी यांनी म्हटले.
यावेळी, PCK रेड्डी (डायरेक्टर), दीपक सिक्रोरिया (असिस्टेंट डायरेक्टर), राहुल बोद्दुल (ब्रांच हेड), विष्णु कुमार महावर सर (अकॅडमिक हेड) आणि उज्वल यशाचा मानकरी पार्थ राठी आणि त्याचे पालक उपस्थित होते.
...... चौकट .....
शिक्षक वर्गाच्या मार्गदर्शनाबद्दल मी अत्यंत आभारी आहे : पार्थ राठी
"या दोन्ही बाबतीत आकाश च्या शिक्षक वर्गाने आम्हाला केलेल्या मार्गदर्शनाबद्दल मी अत्यंत आभारी आहे. आकाश ने तयार केलेले अभ्यासाचे साहित्य आणि AESL मध्ये मिळालेले मार्गदर्शन नसते तर इतक्या कमी वेळात विविध विषयातील अनेक संकल्पना नीट समजून घेणे शक्य नव्हते, " असं पार्थ आकाशने केलेल्या सत्कारानंतर पत्रकारांशी बोलताना सांगितले.
