सोलापूर : कुठल्याही विषयासंबंधी निरिक्षण व त्या वस्तूकडे पाहण्याचा वेगळा दृष्टिकोन निर्माण व्हावा, या करिता प्राथमिक शाळेतील मुलांना सध्या १२०० पुस्तकांचे वाटप करण्यात आले आहे. यास मिळणारा प्रतिसाद व शिक्षकांचा फिडबॅक पाहून पुढील काळात जास्त पुस्तकांचे वाटप करण्याचा विचार आहे,असे बालाजी अमाईन्सचे व्यवस्थापकीय संचालक डी राम रेड्डी यांनी सांगितले.
जिल्ह्यातील ०६ शाळा व धाराशिव जिल्ह्यातील ४ शाळांतील १२०० विद्यार्थ्यांना गंमत ग्यान अॅक्टिव्हिटी बुकचे शनिवारी, १७ फेब्रुवारी रोजी बालाजी अमाईन्सच्या होटगी रोड येथील कार्यालयात बालाजी अमाईन्सचे व्यवस्थापकीय संचालक डी. राम रेड्डी यांचे हस्ते वाटप करण्यात आले. याप्रसंगी ते बोलत होते.
यावेळी बोलताना, राम रेड्डी यांनी गंमत ग्यान पुस्तकांमुळे मुलांचा वेळ मोबाईल पर कमी होईल, मुले ह्या पुस्तकामधील खेळांमध्ये रमतील, या कारणाने त्यांच्या ज्ञानात भर पडेल, असा विश्वासही व्यक्त केला.
प्रारंभी बालक पालक गंमत ग्यान पुस्तकाबद्दल विनायक जोशी सर यांनी माहिती शिक्षकांना पुस्तकातील २४ अॅक्टिीव्हीटीबद्दल माहिती दिली. सर फाऊंडेशनचे सिध्दाराम माशाळे यांनी हे पुस्तक मुलांना ज्ञान वाढीसाठी व मुलांना हसतखेळत कोडी सोडवत अभ्यास आहे, हे पुस्तक उपलब्ध करून दिल्याबद्दल बालाजी अमाईन्सच्या सर्व संचालक मंडळ व बालाजी अमाईन्सचे व्यवस्थापकीय संचालक डी. राम रेड्डी यांचं आभार व्यक्त केले.
या प्रसंगी जि. प. प्राथमिक शाळा, मजरेवाडी येथील राचेटी यांनी व जि. प. प्राथमिक शाळा, तामलवाडी येथील ज्ञानेश्वरी शिंदे मॅडम यांनी ग्रामिण भागातील शाळा सहभागी केल्यामुळे याचा मुलांना फायदा होईल, असे विचार व्यक्त केले.
या कार्यकमास बालाजी अमाईन्सचे सी. एस. आर. विभागप्रमुख मल्लिनाथ बिराजदार, सर्व शिक्षक बाळासाहेब वाघ, प्रकाश राचेटी, सिध्दाराम मशाळे, गुणवंत चव्हाण (पिंपळा खुर्द), ज्ञानेश्वरी शिंदे मॅडम (तामलवाडी), वाघमारे (पिंपळा बु,), प्रक्षाळे मॅडम, मोरेश्वर मॅडम (शिंगडगाव), प्रतिमा जाधव मॅडम (निंबर्गी), विविध शाळांमधिल शिक्षक-विद्यार्थी व बालाजी अमाईन्सचे दत्तप्रसाद सांजेकर उपस्थित होते .
गंमत ग्यान फॅमिली अॅक्टिव्हीटी बुक : मुलांना विविध खेळांव्दारे २४ अॅक्टिव्हीटी मधुन विविध विषयावर ज्ञान सहज व सोप्या पध्दतीने प्राथमिक शाळेतील मुलांना समजावण्याचा प्रयत्न करण्यात आला आहे. यामुळे मुलांची एकाग्रता निरिक्षण क्षमता सकारात्मकता संयम तसेच विविध विषयामधिल सध्याचे ज्ञान या सर्व वाढीकरीता उपयुक्त पुस्तक आहे.
.....चौकट....
... 'या' आहेत १० शाळा
जि. प. प्राथमिक शाळा मजरेवाडी, जि. प. प्राथमिक शाळा सोरेगांव, जि. प. प्राथमिक शाळा, अंबिकानगर बाळे, जि. प. प्राथमिक शाळा कवठे तांडा, जि. प. प्राथमिक शाळा शिंगडगांव, रमाबाई आंबेडकर आश्रमशाळा निंबर्गी या सोलापूर जिल्ह्यातील ६ आणि धाराशिव जिल्ह्यातील जि. प. प्राथमिक शाळा तामलवाडी, जि. प. प्राथमिक शाळा पिंपळा (खुर्द), जि. प. प्राथमिक शाळा गोंधळवाडी आणि जि. प. प्राथमिक शाळा पिंपळा (बुद्रुक) या ४ अशा एकूण १० शाळांतील विद्यार्थ्यांसाठी गंमत ग्यान फॅमिली अॅक्टिव्हीटी बुक देण्यात आले.
