सोलापूर : हृदयविकार उपचारांमधील जागतिक दर्जाचा अनुभव आता सोलापूरकरांना स्थानिक स्तरावर मिळणार आहे. डेन्मार्क येथील प्रख्यात आरहूस युनिव्हर्सिटी हॉस्पिटलमधून विशेष प्रशिक्षण घेतलेले आणि देशातील अग्रगण्य एम्स (AIIMS), नवी दिल्ली येथे 'कन्सलटंट कार्डिओलॉजिस्ट' म्हणून सेवा दिलेले डॉ. चिन्मय परळे त्यांच्या या आंतरराष्ट्रीय अनुभवामुळे सोलापूर जिल्ह्याच्या वैद्यकीय सुविधेच्या शिरपेचात मानाचा तुरा रोवला गेला आहे. ते आता सोलापूरमध्ये प्रॅक्टिस सुरू करत आहेत.
शिक्षण आणि अनुभव
चिन्मय परळे यांनी देशातील अत्यंत प्रतिष्ठित अशा संस्थांमधून शिक्षण घेतलं आहे. cet परीक्षेत पूर्ण महाराष्ट्रात पाचवा नंबर मिळवून त्यांनी मुंबईच्या प्रसिद्ध के.ई.एम. (KEM) रुग्णालयातून एम.बी.बी.एस. आणि एम.डी. (MBBS, MD) पूर्ण केले.
त्यानंतर, पुडुचेरी येथील राष्ट्रीय महत्त्वाच्या जिपमर (JIPMER) संस्थेतून त्यांनी हृदयविकार शास्त्रातील सर्वोच्च पदवी 'डी.एम. कार्डिओलॉजी' संपादन केली. त्यानंतर इलेक्ट्रोफिजियोलॉजी मध्ये विशेष प्रशिक्षण घेतले.
आंतरराष्ट्रीय विशेष प्रशिक्षण: डॉ. चिन्मय परळे यांनी डेन्मार्क येथे हृदयाच्या झडपांच्या गुंतागुंतीच्या आजारांवर (Valvular Interventions) विना-शस्त्रक्रिया उपचार करण्याचे विशेष प्रशिक्षण पूर्ण केले. अशा प्रकारचे औपचारिक प्रशिक्षण घेतलेल्या देशातील मोजक्या तज्ज्ञांपैकी एक आहेत.
अशा या उत्तम शैक्षणिक पार्श्वभूमीमुळे भारतातील सर्वोच्च संस्था AIIMS Delhi येथे त्यांची हृदयविकार तज्ञ म्हणून निवड झाली. अशी उत्तम शैक्षणिक पार्श्वभूमी घेऊन, पुणे मुंबईच्या मोठ्या कॉर्पोरेट हॉस्पिटलमधील संधी नाकारून, सोलापुरातील रुग्णांना सुविधा उपलब्ध करून देण्यासाठी उदात्त हेतूने डॉ. चिन्मय परळे येथे कार्यरत होत आहेत.
विशेष उपचार सुविधा
इलेक्ट्रोफिजियोलॉजिस्ट(Electrophysiologist) म्हणून डॉ. परळे खालील विषयांत तज्ज्ञ आहेत.
हृदयाचे ठोके अनियमित होणे (Arrhythmia):
यावर विना-शस्त्रक्रिया उपचार.
प्रगत पेसमेकर: हृदयाच्या लयीतील दोषांवर आधुनिक पेसमेकर आणि डिफिब्रिलेटर बसवणे.
झडपांचे आजार: हृदयाच्या झडपांच्या समस्यांवर शस्त्रक्रियेशिवाय उपचार (TAVI इ.).
## येथे उपलब्ध असतील सेवा ##
सोलापूरच्या नागरिकांसाठी डॉ. परळे यांच्या सेवा आता 'स्पंदन हार्ट अँड गॅस्ट्रो क्लिनिक' आणि 'अश्विनी को-ऑपरेटिव्ह हॉस्पिटल' येथे उपलब्ध असणार आहेत.
"आधुनिक वैद्यकीय तंत्रज्ञान आणि राष्ट्रीय-आंतरराष्ट्रीय संस्थांमधील अनुभवाचा वापर करून सोलापूरच्या रुग्णांना दर्जेदार उपचार देणे, हेच आमचे प्राधान्य राहील," असे डॉ. परळे यांनी यावेळी नमूद केले.
ता. क. - डॉ. चिन्मय यांनी प्रॅक्टिस ची सुरुवात अतिशय गुंतागुंतीच्या बिनटाक्याच्या 02 शस्त्रक्रियांनी केली. यामध्ये दोन रुग्ण, 15 एप्रिल रोजी हृदयाचे ठोके अनियमित असल्याने ( Ventricular tachycardia) अश्विनी हॉस्पिटल मध्ये ऍडमिट झाले होते.आठ तास चाललेल्या या शस्त्रक्रियेमध्ये अथक परिश्रमानंतर डॉ. चिन्मय यांनी त्या दोघांचे हृदयाचे ठोके नियमित करण्यात यश मिळवले. सोलापूरमध्ये अशा प्रकारची शस्त्रक्रिया पहिल्यांदाच झाली आहे.
